काठमाडौं । नेपाल स्टक एक्सचेञ्ज (नेप्से)मा यस विभिन्न चार कम्पनीको सेयर सूचीकृत भएको छ ।
यस साता नेप्सेमा दुई वाणिज्य बैंकसहित चार कम्पनीको कुल १ करोड १० लाख ७९ हजार कित्ता बढी सेयर सूचीकृत भएको हो ।
यस साता नेप्सेमा महालक्ष्मी विकास बैंक, इन्फिनिटि लघुवित्त वित्तीय संस्था र सूर्योदय लघुवित्त वित्तीय संस्थाको बोनस सेयर र सिभिल बैंकको ऋणपत्र सूचीृकत भएको हो ।
नेप्सेमा महालक्ष्मी विकास बैंकको २० प्रतिशत बोनस बापतको ६६ लाख ८४ हजार ८०५.४५ कित्ता बोनस सेयर सूचीकृत भएको हो ।
यस्तै, नेप्सेमा इन्फिनिटि लघुवित्त वित्तीय संस्थाको ८ लाख ९९ हजार ९८.१२७३ कित्ता र सूर्योदय लघुवित्त वित्तीय संस्थाको ४ लाख ९६ हजार ८५.८५ कित्ता बोनस सेयर सूचीकृत भएको हो ।
अब यी तीनै वटा कम्पनीहरुको बोनस सेयर सम्वन्धित सेयरधनीहरुको हितग्राही खातामा जम्मा भएपछि मात्र खरिदबिक्री गर्न सक्नेछन् ।
यस्तै, यस साता नेप्सेमा सिभिल बैंकको ऋणपत्र सूचिकृत भएको छ । बैंकको ३० लाख कित्ता ऋणपत्र नेप्सेमा सूचिकृत भएको हो ।
बैंकले गत मंसिर २४ गतेदेखि पौष ७ गतेसम्म १० वर्ष अवधिको १०.२५ प्रतिशत व्याजदर भएको ‘सिभिल बैंक डिबेञ्चर २०८८’ नाममा प्रतिकित्ता १००० रूपैयाँ अंकित दरमा ३ अर्ब रूपैयाँ बराबरको ३० लाख कित्ता ऋणपत्र निष्काशन गरेको थियो ।
कुल ३० लाख कित्ता ऋणपत्रमध्ये बैंकले सर्वसाधारणका लागि १२ लाख कित्ता र व्यक्तिगत रुपमा विभिन्न संघ संस्थालाई १८ लाख कित्ता बिक्री गरेको थियो ।
वि.सं.२०७९ वैशाख २ शुक्रवार १५:११ मा प्रकाशित
