काठमाडौं । नेपाल पुनर्बीमा कम्पनीको बोनस सेयर अझै सूचीकृत हुन सकेको छैन ।
कम्पनीको साधारण सभाबाट पारित भएको बोनस सेयर तीन महिना बितिसक्दा पनि वितरण हुन नसक्दा लगानीकर्ता मारमा परेका छन् ।
गत पुस २२ गते पारित भएको १६.५० प्रतिशत बोनस सेयर लामो समयदेखि सूचीकृत नहुँदा लगानीकर्ता मारमा परेका हुन् ।
अर्थमन्त्रालयबाट स्वीकृति पाउनुपर्ने प्रक्रियामा ढिलाई हुदाँ सूचीकरण हुन नसकेको कम्पनीले जनाएको छ ।
यस वर्ष कम्पनीको १६.५० प्रतिशत बोनस सेयर र कर प्रयोजनका लागि २.५० प्रतिशत नगद लाभांश वितरण गर्ने प्रस्ताव गरेको थियो ।
कम्पनीको गत पुस २२ गतेसम्म छैंठौ वार्षिक साधारण सभाले उक्त लाभांश पारित गरिसकेको छ । कम्पनीको नगद लाभांश भने वितरण भईसेको छ ।
कम्पनीले बोनस सेयर भने साधारणसभाबाट पारित भएको तीन महिना बितिसक्दा पनि सूचीकरण गराउन नसकेको हो ।
बोनस सेयर सूचीकरणका लागि अर्थमन्त्रालयको स्वीकृति आवश्यक रहेको कम्पनीले जनाएको छ । सूचीकरण प्रक्रियाका लागि सरोकार राख्ने निकायहरूले जतिसक्दो चाडो आवश्यक प्रक्रिया पुरा गर्नुपर्ने कम्पनीको माग छ ।
वि.सं.२०७९ वैशाख २ शुक्रवार १५:५५ मा प्रकाशित