काठमाडौं। लुक्लाका लागि उडेको समिट एयरको जहाजले फर्केर काठमाडौंमै आकस्मिक अवतरण गरेको छ। नाइन एन-एएमपी कलसाइन जहाजको देब्रेपट्टिको इन्जिन फेल भएपछि आकस्मिक अवतरण गरिएको त्रिभुवन अन्तर्राष्ट्रिय विमानस्थल कार्यालयले जनाएको छ।
जहाज आकस्मिक अवतरण गर्ने भनिएपछि विमानस्थल १० मिनेटका लागि बन्द गरिएको थियो। समिटको लेट सिरिजको जहाज १६ जना यात्रु लिएर काठमाडौंबाट आइतबार बिहान ११ः०४ बजे लुक्लाका लागि उडेको थियो।
४३ मिनेटपछि नै ११ः४७ बजे काठमाडौं फर्केर आकस्मिक अवतरण गरेको विमानस्थल कार्यालयले जनाएको छ।
जहाजमा समस्या आएको थाहा पाएपछि चालक दललेलुक्ला अवतरण नगरी फर्काएर त्रिभुवन विमानस्थलको टावरलाई जानकारी गराएका हुन्।
वि.सं.२०७९ वैशाख ४ आइतवार १२:३५ मा प्रकाशित
