काठमाडौं । आज बैशाख ४ गते, आइतबार ग्रीन भेन्चर्स लिमिटेडको शेयर नेपाल स्टक एक्सचेञ्ज (नेप्से) मा सूचीकृत भएको छ।
कम्पनीको शेयर अब सोमबारदेखि कारोबार गर्न सकिने भएको छ। सोमबार स्पेशल प्रि ओपन सेसनमा पहिलो कारोबार भएपश्चात नियमित बजारमा कारोबार हुनेछ।
पहिलो कारोबारका लागि नेप्सेले कम्पनीलाई ९१ रुपैयाँ ८६ पैसा देखि २७५ रुपैयाँ ५८ पैसा सम्मको ओपनिङ्ग रेञ्ज प्रदान गरेको छ। सोही रेञ्जमा रहि सोमबार कम्पनीको पहिलो कारोबार हुनेछ। नेप्सेले कम्पनीलाई कारोबारका लागि जीभिएल स्टक टिकर प्रदान गरेको छ।
यस दिन नेप्सेमा कम्पनीको ३ करोड १२ लाख ५० हजार कित्ता शेयर सूचीकृत भएको हो।
वि.सं.२०७९ वैशाख ४ आइतवार १५:२९ मा प्रकाशित
