काठमाडौं । साताको चौथो दिन शेयरबजारमा उच्च गिरावट आएको छ । अघिल्लो दिन दोहोरो अंकले बढेको नेप्से परिसूचक आज ३६.७३ अंकले घटेर २३२०.५१ विन्दुमा कायम भएको छ ।
२२८ कम्पनीको ३५ लाख ७० हजारभन्दा बढी कित्ता सेयर कारोबार भएको छ । १४ करोड १९ लाख रुपैयाँभन्दा बढीसहित खरिदबिक्री रकममा नेष्डो समृद्ध लघुवित्त अग्रस्थानमा रहेको छ । यसैगरी, दोस्रो र तेस्रो स्थानमा क्रमशः एनआइसी एसिया बैंक र सिद्धार्थ बैंक परेका छन् ।
मंगलबार सबै सूचकमा हरियाली छाउँदा आज १३ उपसूचक नै राताम्य भएको छ । आज सर्वाधिक बीमा समूहको घट्न पुगेको छ । केही दिनयता बीमा कम्पनीहरुको शेयर घट्दै गइरहेको छ ।
वि.सं.२०७९ वैशाख ७ बुधवार १५:२२ मा प्रकाशित