काठमाडौं । साताको पहिलो कारोबार दिन सेयर बजारमा हरियाली छाएको छ । आइतबार बजार ९५.४६ अंकले वृद्धि भएको हो ।
उक्त दिन बजार परिसुचक पनि २४२०.९१ अंकको बिन्दुमा पुगेर बन्द भएको छ। आज सबै समूहहरु हरियाली बनेका छन् ।
अघिल्लो दिन अर्थात बिहीबारको तुलनामा कारोबार रकममा पनि बढोत्तरी देखिएको छ। आज २ अर्ब ५३ करोड १२ लाख ७५ हजार रुपैयाँ बराबरको सेयर करोबार भएको छ ।
उक्त दिन सबैभन्दा बढी सानिमा बैंकको प्रोमोटर सेयरको सर्वाधिक कारोबार भएको छ । आज कम्पनीको २२ करोड १० हजार रुपैयाँ बराबरको सेयर खरिदिबिक्री भएको छ ।
कारोबार रकमकै आधारमा दोस्रो स्थानमा रहेको शिवम् सिमेन्टको ११ करोड ७६ लाख २२ हजार रुपैयाँ बराबरको सेयर खरिदबिक्री भएको छ ।
वि.सं.२०७९ वैशाख ११ आइतवार १५:१८ मा प्रकाशित
