काठमाडौं । वैशाख महिनामा वाणिज्य बैंकहरुको निक्षेप संकलनमा भारी गिरावट आएको छ । वैशाखको ९ दिनमा वाणिज्य बैंकहरुको निक्षेप २२ अर्ब रुपैयाँले घटेको हो ।
चैत मसान्तसम्ममा ४३ खर्ब ८९ अर्ब रुपैयाँ निक्षेप संकलन गरेका बैंकहरुले वैशाखा ९ गतेसम्म भने २२ अर्ब रुपैयाँले घटेको हो । योसंगै उक्त अवधिमा बैंकहरुको निक्षेप संकलन ४३ खर्ब ६७ अर्ब रुपैयाँ कायम भएको छ ।
यस्तै, ९ दिनको अवधिमा बैंकहरुको कर्जा लगानी ३ अर्ब रुपैयाँ घटेको छ । नेपाल बैंकर्स संघका अनुसार एक साताको अवधिमा भने कर्जा लगानी १ अर्ब रुपैयाँ घटेको हो ।
चैत्र मसान्तसम्ममा बैंकहरुले ४१ खर्ब ९७ अर्ब रुपैयाँ कर्जा प्रवाह गरेका थिए भने बैशाख २ गतेसम्म ४३ खर्ब ९५ अर्ब रुपैयाँ गरेका थिए ।
नेपाल बैंकर्स संघका अनुसार बैशाख ९ गतेसम्ममा बैंकहरुले ४३ खर्ब ९४ अर्ब रुपैयाँ कर्जा प्रवाह गरेका हुन् ।
वि.सं.२०७९ वैशाख १३ मंगलवार १३:५३ मा प्रकाशित
