काठमाडौं । प्रहरी प्रधान कार्यालय केन्द्रीय अनुसन्धान ब्यूरो (सीआईवी) ले बैंकिङ कसूर मद्दामा फरार व्यक्तिलाई पक्राउ गरेको छ ।
प्रहरीले जिल्ला ओखलढुङ्गा साविक बलखु गा.बि.स. वडा नं. ९ को परिवर्तित सुनकोशी गाउँपालिका वडा नं. १ घर भई जिल्ला काठमाडौं बुढानिलकण्ठ न.पा. वडा नं. १०, शिवमन्दिर चोक कपन बस्ने बर्ष ३४ का राम कुमार राईलाई पक्राउ गरेको हो ।
राइले राष्ट्रिय वाणिज्य वैंक लिमिटेड, गौशाला शाखामा रहेका बैंक खातामा रकम भुक्तान हुन भनी पर्याप्ता मौज्दात रकम नभएको भन्ने जानी–जानी झुक्यानमा चारी चेक दिएका थिए ।
उनलाई उच्च अदालत पाटनले फागुन २९ गते बैंकिङ्ग कसूर तथा सजाय ऐन २०६४ बमोजिम ११ लाख उन्सत्तरी हजार रुपैंया र दुई दिन कैद सजायँ हुने ठहर गरेको थियो ।
फैसला कार्यान्वयन गराउनका लागि उनलाई बैशाख १३ गते मंगलबार पक्राउ गरि बैशाख १४ गते काठमाडौं जिल्ला अदालतमा पेश गरिएको प्रहरीले जनाएको छ।
वि.सं.२०७९ वैशाख १४ बुधवार १२:४५ मा प्रकाशित