काठमाडौं । मिर्मिरे लघुवित्त वित्तीय संस्थाले चालु आर्थिक वर्ष २०७८/७९ को तेस्रो त्रैमासिक वित्तीय विवरण सार्वजनिक गरेको छ ।
चालु आवको चैत मसान्तसम्ममा कम्पनीले १७ करोड ४९ लाख ९२ हजार रुपैयाँ नाफा कमाएको छ । जुन गत वर्षको सोही अवधिको तुलनामा १८.६३ प्रतिशतले बढी हो । गत वर्षको तेस्रो त्रैमासमा कम्पनीले १४ करोड ७५ लाख २ हजार रुपैयाँ नाफा गरेको थियो ।
उक्त अवधिमा कम्पनीको खुद ब्याज आम्दानी पनि ४५ प्रतिशतले वृद्धि भई ४२ करोड ५४ लाख ६६ हजार रुपैयाँ पुगेको छ । गत वर्षको चैत मसान्तसम्ममा भने कम्पनीको यो आम्दानी २९ करोड ३४ लाख १० हजार रुपैयाँ रहेको थियो ।
कम्पनीको चुक्ता पुँजी ५२ करोड २० लाख ८५ हजार रुपैयाँ रहेको छ । कम्पनीले जगेडा तथा कोषमा ४२ करोड ४ लाख ८० हजार रुपैयाँ राखेको छ ।
उक्त अवधिमा कम्पनीले खराब कर्जा पनि घटाएको छ । गत वर्षको चैत मसान्तसम्ममा २.२६ प्रतिशत रहेको खराब कर्जा यस वर्षको सोही अवधिमा भने १.९४ प्रतिशतमा झारेको छ ।
कम्पनीको प्रतिसेयर आम्दानी ४४ रुपैयाँ ६९ पैसा र प्रतिसेयर नेटवर्थ १८० रुपैयाँ ५४ पैसा रहेको छ ।
वि.सं.२०७९ वैशाख १५ बिहीवार १३:३५ मा प्रकाशित