काठमाडौं । यस साता दुई कम्पनीको सम्वन्धित सेयरधनीहरुको हितग्राही खातामा बोनस सेयर जम्मा गरिदिएका छन् ।
यस साता उन्नती सहकार्य लघुवित्त वित्तीय संस्था र लाइफ इन्स्योरेन्स कर्पोरेशन कम्पनीले सम्वन्धित सेयरधनीहरुको हितग्राही खातामा बोनस सेयर पठाएका हुन् ।
उन्नति सहकार्य लघुवित्त वित्तीय संस्थाले यस वर्षको ३० प्रतिशत बोनस सेयर वितरण गरेको हो ।
कम्पनीले गत पुस २८ गते सम्पन्न सातौं वार्षिक साधारण सभाबाट पारित गरेको उक्त बोनस सेयर वैशाख ११ गतेदेखि वितरण गर्न सुरु गरेको हो ।
यस वर्ष कम्पनीले बोनस सेयर कर प्रयोजनका लागि नगद लाभांश भने दिएको छैन । २०७७ साल असार २६ गतेपश्चात सेयर खरीद गरी कायम सदस्यहरुले भने यो बोनस सेयरमा लाग्ने कर बापतको रकम भुक्तानी गर्नु पर्ने कम्पनीले जनाएको छ ।
कम्पनीको शेयर रजिष्ट्रार सिद्धार्थ क्यापिटल लिमिटेड रहेको छ ।
अन्य विस्तृतका लागि हेर्नुहोस्, सूचना
यस्तै, लाइफ इन्स्योरेन्स कर्पोरेशन (नेपाल) ले बोनस वितरण सुरु गरेको छ ।
एक सूचना निकाल्दै कम्पनीले सम्वन्धित सेयरधनीहरुको हितग्राही खातामा बोनस सेयर जम्मा गरिदिएको जनाएको छ ।
कम्पनीले गत फागुन ११ गते सम्पन्न १९औं साधारण सभाबाट पारित २० प्रतिशत बोनस सेयर सेयरधनीको हितग्राही खातामा जम्मा गरिदिएको हो ।
कम्पनीले गत आर्थिक वर्षको मुनाफाबाट सेयरधनीलाई २० प्रतिशत बोनस सेयर र कर प्रयोजनका लागि १.०५ प्रतिशत नगद लाभांश वितरणको प्रस्ताव पारित गरेको हो ।
अन्य विस्तृतका लागि हेर्नुहोस्, सूचना
वि.सं.२०७९ वैशाख १७ शनिवार १४:०३ मा प्रकाशित