काठमाडौं । एनएमबि लघुवित्त वित्तीय संस्थाले चालु आर्थिक वर्ष २०७८/७९ को तेस्रो त्रैमासिक वित्तीय विवरण सार्वजनिक गरेको छ ।
उक्त अवधिमा कम्पनीले १० करोड ५३ हजार ९२ हजार रुपैयाँ नाफा गरेको छ । जुन गत वर्षको तेस्रो त्रैमासको तुलनामा भने कम्पनीको यो नाफा १६.७५ प्रतिशतले कमी हो । गत वर्षको सोही अवधिमा कम्पनीको नाफा १२ करोड ६५ लाख ९७ हजार रुपैयाँ रहेको थियो ।
उक्त अवधिमा कम्पनीको खुद ब्याज आम्दानीमा झिनो गिरावट देखिएको छ । गत वर्षको तेस्रो त्रैमासमा ३३ करोड ९९ लाख १७ हजार रुपैयाँ आम्दानी गरेको कम्पनीको यस वर्षको सोही अवधिमा भने ०.८३ प्रतिशतले घटेर ३३ करोड ७० लाख ८५ हजार रुपैयाँ कायम भएको छ ।
कम्पनीको चुक्ता पुँजी ६५ करोड ५८ लाख ६३ हजार रुपैयाँ रहेको छ । कम्पनीले जगेडा तथा कोषमा भने ३४ करोड ५२ लाख २९ हजार रुपैयाँ राखेको छ ।
चालु आवको तेस्रो त्रैमासम्ममा कम्पनी खराब कर्जा पनि वृद्धि भएको छ । गत वर्षको चैत मसान्तसम्ममा ३.४७ प्रतिशत रहेको खराब कर्जा यस वर्षको सोही अवधिमा भने बढेर ४.०६ प्रतिशत कायम भएको छ।
कम्पनीको प्रतिसयर आम्दानी २१ रुपैयाँ ४३ पैसा र प्रतिसेयर नेटवर्थ १५२ रुपैयाँ ६४ पैसा रहेको छ ।
वि.सं.२०७९ वैशाख २२ बिहीवार १४:२२ मा प्रकाशित
