काठमाडौं । साताको पहिलो कारोबार दिन सुनको मूल्य वृद्धि भएको छ । आइतबार नेपाली बजारमा छापावाला सुनको मूल्य तोलामा ६ सय रुपैयाँले वृद्धि भएको हो ।
अघिल्लो दिन अर्थात शुक्रबार ९८ हजार रुपैयाँमा कारोबार भएको सुन आज बढेर ९८ हजार ६ सय रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य भने ९८ हजार १ सय रुपैयाँ तोकिएको छ । तेजावी सुन शुक्रबार ९७ हजार ५ सय रुपैयाँमा कारोबार भएको थियो ।
यस्तै, साताको पहिलो कारोबार दिन चाँदीको मूल्य पनि वृद्धि भएको छ । आज चाँदी तोलामा ५ रुपैयाँले वृद्धि भई १ हजार २८५ रुपैयाँ पुगेको छ । अघिल्लो दिन १ हजार २८० रुपैयाँमा कारोबार भएको थियो ।
वि.सं.२०७९ वैशाख २५ आइतवार ११:५५ मा प्रकाशित