काठमाडौं । रिभर फल्स पावरको आईपीओ आज बाँडफाँड भएको छ ।
बैशाख २८ गतेदेखि जेठ ४ गतेसम्म निष्काशन गरेको कम्पनीको आईपीओ आज सोमबार बाँडफाँड भएको हो ।
कम्पनीको आईपीओ निष्काशन तथा बिक्री प्रबन्धक प्रभु क्यापिटलको कार्यालयमा बाँडफाँड भएको हो ।
गत बैशाख २८ गतेदेखि कम्पनीले प्रतिकित्ता १ सय रुपैयाँ अंकित मूल्यका २७ लाख ३० हजार कित्ता आईपीओ निष्काशन गरेको हो ।
निष्काशन गर्न लागेको कुल सेयरमध्ये ५४ हजार ६ सय कित्ता सेयर कर्मचारीका लागि, १ लाख ३६ हजार ५ सय कित्ता सामूहिक लगानी कोषका लागि र बाँकी २५ लाख ३८ हजार ९ सय कित्ता सर्वसाधारणका लागि छुट्याइएको छ ।
१८ लाख ३८ हजार ४३१ जना आवेदकबाट २ अर्ब ११ करोड ३२ लाख ९२ हजार रुपैयाँ बराबरको २ करोड ११ लाख ३२ हजार ८२० कित्ता सेयरको लागि आवेदन परेको थियो ।
कम्पनीको आईपीओमा मागभन्दा बढी आवेदन परेकाले गोलाप्रथा विधिबाट १० कित्ताका दरले बाँडफाँड गरिएको हो ।
१० कित्ताका दरले बाँडफाँड गर्दा २ लाख ५३ हजार ८९० जनाले मात्रै कम्पनीको आईपीओ प्राप्त गरेका छन् । बाँकी आवेदकको भने हात खाली भएको छ ।
कम्पनीकाे आईपीओको नजिता हेर्न
1. https://iporesult.cdsc.com.np/
2. https://www.prabhucapital.com/share-allotment
3. https://www.riverfallshydro.com.np/
4. https://iporesult.cdsc.com.np/
वि.सं.२०७९ जेठ ९ सोमवार १६:३९ मा प्रकाशित
