काठमाडौं । नेपाल राष्ट्र बैंकले नागरिक बचतपत्र बिक्री गर्ने भएको छ । राष्ट्र बैंकले जेठ १२ गतेदेखि पाँच वर्षे अवधिको नागरिक बचतपत्र बिक्री गर्ने भएको हो ।
एक सूचना जारी गर्दै राष्ट्र बैंकले वार्षिक ११ प्रतिशत ब्याजदर रहेको ३ अर्ब ३ करोड ६ लाख ६० हजार रुपैयाँ बराबरको नागरिक बचतपत्र बिक्रीगर्न लागेको जनाएको छ ।
राष्ट्र बैंकका अनुसार यो बचतपत्र खरीदका लागि जेठ ३१ गतेसम्म बिक्री खुला गरिनेछ । उक्त बचतपत्रमा नेपाली नागरिकले मात्र खरिद गर्न सक्नेछन् ।
बचतपत्र खरिदका लागि घटीमा १० हजार रुपेयाँ र बढीमा कुल निष्काशित रकमको सीमा नबढाई १० हजारले भाग गर्दा निःशेष भाग जाने अंकमा माग गर्न सक्नेछन् ।
बचतपत्रको निष्काशन मिति २०७९ असार ८ गते र साँवा भुक्तानी मिति २०८४ असार ८ गतेका लागि तय भएको छ ।
वि.सं.२०७९ जेठ १० मंगलवार ०९:०९ मा प्रकाशित