काठमाडौं । हिमालयन बैंक र नेपाल इन्भेष्टमेन्ट बैंकको सेयर कारोबार भोलि अर्थात बिहीबारदेखि फुकुवा हुने भएको छ ।
मर्जर प्रक्रियाका कारण दोस्रो बजारमा सेयर कारोबार रोक्का भएका यी दुवै बैंकको भोलिदेखि फुकुवा हुने भएको हो । यी दुवै बैंकको झण्डै एक बर्षभन्दा बढी समयदेखि सेयर कारोबार रोक्का रहेको छ ।
राष्ट्र बैंकले आधारभुत सेयरधनी बाहेकको सेयर कारोबार खुला गर्ने निर्णय भएपनि बैंकका आधारभुत सेयर (संस्थापकसहित) को सेयर कारोबार भने रोक्का नै रहने बताइएको छ ।
यसअघि डि–मर्जरमा जाने बैंक तथा वित्तीय संस्थाले अर्को बैंक तथा वित्तीय संस्थालाई मर्ज तथा एक्विजिशन नगर्दासम्म सेयर कारोबार रोक्का गर्ने गरेको थियो ।
हिमालयन बैंक र इन्भेष्टमेन्ट बैंकले २०७८ वैशाख ३० गते मर्जरको सम्झौता गरेसँगै वैशाख ३१ गतेदेखि नेपाल स्टक एक्स्चेन्ज (नेप्से) मा यी दुवै बैंकको सेयर कारोबार रोक्का भएको थियो ।
वि.सं.२०७९ जेठ ११ बुधवार १६:२२ मा प्रकाशित
