काठमाडौं । थप तीन कम्पनीले आईपीओ निष्काशनका लागि अनुमति पाएका छन् ।
नेपाल धितोपत्र बोर्डले श्वेत गंगा हाइड्रोपावर एण्ड कन्स्ट्रक्शन, आदर्श लघुवित्त वित्तीय संस्था र राप्त हाइड्रो एण्ड जनरल कन्स्ट्रक्सनलाई आईपीओ निष्काशनको अनुमति दिएको हो ।
यी तीन वटै कम्पनीले आईपीओ निष्काशनका लागि जेठ १० र ११ गते बोर्डबाट अनुमति पाएका हुन् ।
श्वेट गंगा हाइड्रोपावर एण्ड कन्स्ट्रक्शनले आईपीओ निष्काशनका लागि अनुमति पाएको छ ।
कम्पनीले ३९ करोड ९२ लाख ५० हजार रुपैयाँ बराबरको आईपीओ निष्काशनका लागि नेपाल धितोपत्र बोर्डबाट जेठ ११ गते अनुमति पाएको हो ।
योसंगै कम्पनीले आयोजना प्रभावित स्थानीय बासिन्दा तथा सर्वसाधारणका लागि ३९ लाख ८२ हजार ५ सय कित्ता आईपीओ निष्काशन गर्नेछ ।
कम्पनीले गत कात्तिक १० गते आईपीओ निष्काशनका लागि बोर्डमा निवेदन पेश गरेको थियो । कम्पनीको आईपीओ निष्काशन तथा बिक्री प्रबन्धकमा सानिमा क्यापिटल लिमिटेड रहेको छ ।
यस्तै, आदर्श लघुवित्तले ६० लाख रुपैयाँ बराबरको ६० हजार कित्ता आईपीओ निष्काशन गर्न अनुमति पाएको हो ।
कम्पनीको आईपीओ निष्काशन तथा बिक्री प्रबन्धकमा बिओके क्यापिटल मार्केट लिमिटेड रहेको छ ।
त्यसैगरि, राप्ती हाइड्रो एण्ड जनरल कन्स्ट्रक्सनले पनि आईपीओ निष्काशनका लागि बोर्डबाट अनुमति पाएको छ ।
कम्पनीले २९ लाख ४१ हजार ४१० कित्ता आईपीओ निष्काशनका लागि अनुमति पाएको हो ।कम्पनीले पहिलो चरणमा स्थानीयय बासिन्दाको लागि र दोस्रो चरणमा सर्वसाधारणको लागि आईपीओ निष्काशन गर्नेछ ।
कम्पनीको आईपीओ निष्काशन तथा बिक्री प्रबन्धकमा सिद्धार्थ क्यापिटल लिमिटेड रहेको छ ।
वि.सं.२०७९ जेठ १२ बिहीवार १०:३४ मा प्रकाशित
