काठमाडौं । नेपाल प्रहरी प्रधान कार्यालय केन्द्रीय अनुसन्धान ब्यूरो (सीआईवी)ले बैंकिङ्ग कसूर मुद्दामा फरार व्यक्तिलाई पक्राउ गरेको छ ।
प्रहरीले गोरखा जिल्ला पालुङटार न.पा. वडा नं.२ घर भई हाल काठमाडौं जिल्ला नार्गाजुन न.पा.वडा नं.१ रानीवन बस्ने वर्ष ५१ की लक्ष्मी सापकोटालाई बैंकिङ्ग कसूर मुद्दामा प्रक्राउ गरेको हो ।
सापकोटाले नेपाल बङ्गलादेश बैंक लिमिटेड मैतीदेवी शाखामा रहेको आफ्नो खाताबाट रकम भुक्तान हुन भनि पर्याप्त मौज्दात रकम नभएको भन्ने जानी जानी झुक्यानमा चारी चेक काटेर दिएका थिए ।
उनलाई चेकको रकम भुक्तान हुन नसकेको ठहर गर्दै उच्च अदालत पाटनले २०७८ पुस २ गते बैंकिङ्ग कसूर तथा साजय ऐन २०६४ बमोजिम ५ दिन कैद र १२ लाख रुपैयाँ जरिवाना हुने फैसला गरेको थियो ।
उनलाई आज अर्थात जेठ १७ गते बानेश्वर,काठमाडौंबाट पक्राउ गरि फैसला कार्यान्वयनका लागि जिल्ला अदालत ललितपुर पेश गरिएको प्रहरीले जनाएको छ ।
वि.सं.२०७९ जेठ १७ मंगलवार १४:०४ मा प्रकाशित
