काठमाडौं । मंगलबार पनि सेयर बजारमा गिरावट आएको छ । उक्त दिन बजार दोहोरो अंक (३५.५३ अंक) ले घटेको हो ।
उक्त दिन बजार परिसुचक २१३७.९२ अंकको बिन्दुमा पुगेर बन्द भएको छ । आज म्युचुअल फण्ड ०.०७ प्रतिशतले वृद्धि भएको छ भने बाँकी सबै समूहहरु रातम्मे बनेका छन् ।
उक्त दिन १ अर्ब ३१ करोड ७६ लाख ९९ हजार रुपैयाँ बराबरको ३७ लाख ६९ हजार ८१२ कित्ता सेयर खरिदबिक्री भएको छ ।
उक्त दिन एनआईसी एशिया बैंकको सर्वाधिक सेयर कारोबार भएको छ । आज बैंकको ५ करोड ३७ लाख ९८ हजार रुपैयाँ बराबरको सेयर कारोबार भएको हो ।
यस्तै, कारोबार रकमकै आधारमा दोस्रो स्थानमा रहेको नबिल बैंकको ३ करोड ९८ लाख ५२ हजार रुपैयाँ बराबरको सेयर खरिदबिक्री भएको हो ।
वि.सं.२०७९ जेठ १७ मंगलवार १५:१५ मा प्रकाशित
