काठमाडौं । भोलि अर्थात जेठ १८ गतेदेखि एनआईसी एशिया क्यापिटलले म्युचुअल फण्ड निष्काशन गर्ने भएको छ ।
क्यापिटलले एनआईसी एशिया फ्लेक्सी क्याप फण्ड निष्काशन तथा बिक्री खुला गर्ने भएको हो । अवधि ७ वर्ष रहेको यो फण्ड एक बन्दमुखी योजना हो ।
क्यापिटलले प्रतिइकाई १० रुपैयाँ अंकित दरमा १ अर्ब रुपैयाँ बराबरको १० करोड इकाई बिक्री खुला गर्ने भएको हो । जसमध्ये १ करोड ५० लाख इकाई संख्या कोष प्रवद्र्धक एनआईसी एशिया बैंकलाई छट्याइएको छ भने बाँकी रहेको ८ करोड ५० लाख इकाई सर्वसाधरणलाई बिक्री खुला गरिने छ ।
क्यापिटलको उक्त फण्डमा न्यूनतम १ सय इकाईदेखि १ करोड २० लाख इकाईसम्म आवेदन दिन पाउने व्यवस्था गरिएको छ । क्यापिटलको उक्त फण्डको इकाईमा छिटोमा जेठ २४ गते र ढिलोमा असार २ गतेसम्म आवेदन दिने सकिने छ ।
उक्त फण्डको इकाईमा लगानीकर्ताले धितोपत्र बोर्डबाट आश्वा अनुमति लिएका सम्पूर्ण बैंक तथा वित्तीय संस्था तथा मेरो सेयर वेब तथा एपबाट आवेदन दिन सक्नेछन् ।
एनआईसी एशिया क्यापिटल एनआईसी एशिया बैंकको पूर्ण स्वामित्व भएको सहायक कम्पनी हो ।
वि.सं.२०७९ जेठ १८ बुधवार १३:१५ मा प्रकाशित
