काठमाडौं । आज अपर हेवाखोला हाइड्रोपावर कम्पनीको आईपीओमा आवेदन दिने अन्तिम मौका रहेको छ ।
कम्पनीले जेठ १० गतेदेखि आयोजना प्रभावित क्षेत्रका स्थानिय बासिन्दाहरुका लागि आईपीओ निष्काशन गरेको हो ।
कम्पनीले प्रतिकित्ता १०० अंकित दरका ५ करोड रुपैयाँ बराबरको ५ लाख कित्ता आईपीओ निष्काशन गरेको हो ।
कम्पनीको आईपीओमा आयोजना प्रभावित क्षेत्र अर्थात संखुवासभा जिल्लाका बासिन्दाहरुले आवेदन दिन सक्नेछन् ।
कम्पनीको आईपीओमा लगानीकर्ताले न्यूनतम १० कित्ता र अधिकतममा १ लाख कित्तासम्मका लागि आवेदन दिन सक्नेछन् ।
कम्पनीको आईपीओ निष्काशन तथा बिक्री प्रबन्धक एनएमबि क्यापिटल लिमिटेड रहेको छ ।
वि.सं.२०७९ जेठ २४ मंगलवार १२:०३ मा प्रकाशित