काठमाडौं । भोलि अर्थात जेठ ३१ गते दुई कम्पनीको साधारण सभा हुँदैछ । उक्त दिन विन नेपाल लुघवित्त वित्तीय संस्था र जनरल इन्स्योरेन्स कम्पनीले सभा गर्न लागेका हुन् ।
सभामा कम्पनीहरुले एफपीओ, हकप्रद सेयर निष्काशन तथा लाभांश पारित लगायतका एजेण्डाहरु तय भएका छन् ।
भोलि हुने विन नेपाल लघुवित्त वित्तीय संस्थाको साधारण सभाले एफपीओ निष्काशन तथा लाभांश प्रस्ताव पारित गर्ने मुख्य एजेण्डा तय गरेको छ ।
सभामा कम्पनीको हाल कायम चुक्ता पूँजीको ९.३३ प्रतिशतका दरले बोनस सेयर र कर प्रयोजनका लािग ०.५ प्रतिशत नगद लाभांश वितरण गर्ने प्रस्ताव पारित गर्नेछ ।
सोही सभाले बोनस सेयर वितरणपश्चात कायम चुक्ता पूँजीमा संस्थापक तथा सर्वसाधारण शेयरधनीहरुको अनुपात ७०ः३० कायम गर्न एफपीओ निष्काशन गर्न प्रबन्धपत्र संशोधन गर्नेछ ।
सभाले अन्य कुनै लघुवित्तसँग मर्जर अथवा एक्विजिशन गर्ने सम्बन्धी सम्पूर्ण कार्य गर्न सञ्चालक समितिलाई अख्तियारी दिनेछ ।
साधारण सभा प्रयोजनार्थ लघुवित्तले जेठ १८ गतेदेखि ३१ गतेसम्म बुकक्लोज गर्ने भएको छ ।
यस्तै, भोलि जनरल इन्स्योरेन्स कम्पनीको चौंथो वार्षिक साधारण सभा बोलाएको छ ।
सभाले गत आर्थिक वर्ष २०७७/७८ सम्मको वार्षिक प्रतिवेदन सहितका वित्तीय विवरणहरु पारित गर्नुका साथै ३० प्रतिशत हकप्रद शेयर निष्काश गर्ने विषयलाई पनि स्वीकृति प्रदान गर्नेछ ।
सोही सभाले हाल कायम चुक्तापूँजीको आधारमा ३० प्रतिशत हकप्रद सेयर निष्काशन गर्ने प्रस्ताव पारित गर्नेछ ।
सभामा कम्पनीले मर्जर तथा प्राप्ती प्रक्रियामा जान आवश्यक देखिएमा त्यसको सम्पूर्ण जिम्मेवारी सञ्चालक समितिलाई दिने निर्णयय पनि हुनेछ ।
सभा प्रयोजनका लागि कम्पनीले जेठ १९ गते एक दिन बुक क्लोज गरेको छ ।
वि.सं.२०७९ जेठ ३० सोमवार १७:०६ मा प्रकाशित