काठमाडौं । नेपाल राष्ट्र बैंकले साढे २५ अर्बको ट्रेजरी बिल बिक्री गर्ने भएको छ । बैंकले २५ अर्ब ५३ करोड रूपैयाँ बराबरको ट्रेजरी बिल बिक्री गर्ने भएको हो ।
बैंकले आज सरकारलाई आवश्यक अल्पकालीन ऋण उठाउन बोलकबोल प्रक्रियामार्फत बैंकले ऋणपत्र बिक्री गर्न लागेको हो ।
बैंकले २८ दिनको अवधिको लागि ५ अर्ब रूपैयाँ बराबरको ट्रेजरी बिल बिक्री गर्न लागेको हो । उक्त ट्रेजरी बिल श्रावण ३ गते परिपक्क हुनेछ ।
बैंकले असोज ४ गते परिपक्क हुने गरि ९१ दिनको अवधिको लागि ५ अर्ब ५३ करोड रूपैयाँ बराबरको ट्रेजरी बिल बिक्री गर्न लागेको हो ।
यस्तै, बैंकले १८२ दिनको अवधिको लागि १० अर्ब रूपैयाँ बराबरको ट्रेजरी बिल बिक्री गर्न लागेको हो । उक्त ट्रेजरी बिल पौष ५ गते परिपक्क हुनेछ ।
त्यसैगरि बैंकले ३६४ दिनको अवधिको लागि ५ अर्ब रूपैयाँ बराबरको ट्रेजरी बिल बिक्री गर्न लागेको हो । उक्त ट्रेजरी बिल वि.सं. २०८० साल असार ५ गते परिपक्क हुनेछ ।
वि.सं.२०७९ असार ६ सोमवार १०:३९ मा प्रकाशित