काठमाडौं । सेयर बजारमा रौनकता फर्किएको छ । साताको पहिलो कारोबार दिन बजारमा उछाल आएको हो ।
आइबार बजार ९४.९२ अंकले वृद्धि भएको छ । ५.१० प्रतिशतले वृद्धि भएको उक्त दिन बजार परिसुचक पनि १९५६.९८ अंकको बिन्दुमा पुगेर बन्द भएको छ । आज सबै समूहहरु हरियाली बनेका छन् ।
उक्त दिन कारोबार रकम पनि बढोत्तरी देखिएको छ । आज २ अर्ब १९ करोड ६१ लाख ४१ हजार रुपैयाँ बराबरको सेयर खरिदबिक्री भएको छ ।
उक्त दिन तीन कम्पनीको सर्वाधिक सेयर कारोबार भएको छ । आज कुमारी बैंक, हिमालयन डिस्टीलरी र ङदी ग्रुप पावरको सर्वाधिक सेयर कारोबार भएको हो ।
उक्त दिन कुमारी बैंकको सबैभन्दा बढी ८ करोड ६४ लाख ३८ हजार रुपैयाँ बराबरको सेयर कारोबार भएको छ ।
कारोबार रकमकै आधारमा दोस्रो स्थानमा रहेको हिमालयन डिस्टीलरीको ८ करोड ३७ लाख ९२ हजार रुपैयाँ बराबरको सेयर खरिदबिक्री भएको हो ।
यस्तै, आज ङादी गु्रप पावरको पनि ८ करोड ३३ लाख ५३ हजार रुपैयाँ बराबरको सेयर कारोबार भएको छ ।
वि.सं.२०७९ असार १२ आइतवार १५:१२ मा प्रकाशित