काठमाडौं । लुम्बिनी विकास बैंक लिमिटेडले आफ्नो १५औं बार्षिकोत्सवको अवसरमा विभिन्न बित्तीय सचेतना सम्बन्धी नाराका साथ प्रभातफेरी तथा बृक्षारोपण कार्यक्रमको आयोजना गरेको छ ।
सो प्रभातफेरी बैंकको कलंकी शाखा कार्यालय देखि चन्द्रागिरी नगरपालिका वडा नं १३ को कोलचौर, राम मन्दिर सम्म पुगेर सम्पन्न भएको छ । साथै, बैंकले चन्द्रागिरी नगरपालिका वडा नं १३ को कोलचौरमा कपुर, कल्की, चॉप लगायत विभिन्न जात – जातीका गरी १०० वटा बिरुवाहरुको बृक्षारोपण गरेको छ ।
उक्त बृक्षारोपण कार्यक्रमको शुभारम्भ चन्द्रागिरी नगरपालिका, वडा नं १३ का अध्यक्ष श्रीकृष्ण खत्री तथा बैकंका अध्यक्ष दशरथ रिसालले गर्नु भयो । सो कार्यक्रममा बैंकका सञ्चालक केशब खतिवडा, अन्जु कुमारी गुप्ता लगायत बैंकका ब्यवस्थापन समिति र कर्मचारीहरु समेत बृक्षारोपण कार्यमा सहभागी हुनुभयो ।
हाल यस विकास बैंकले ७ वटै प्रदेशमा ८६ वटा शाखाहरु मार्फत कारोबार गर्दै आएको छ यस लुम्बिनी विकास बैंक लिमिटेडले “निरन्तर सहयात्रा ” भन्ने नाराका साथ उच्चस्तरीय, आधुनिक एवं नविनतम प्रविधिहरु सहितको सुरक्षित बैंकिङ्ग सेवा प्रदान गर्दै आईरहेको छ ।
आफ्ना ग्राहकहरुलाई अधिकतम प्रतिफल दिने उद्धेश्यले बैंकले मुद्दती खातामा “मासिक” रुपमा ब्याज प्रदान गर्ने बिशेष योजना समेत कार्यान्वयनमा ल्याएको छ ।
वि.सं.२०७९ असार २४ शुक्रवार १५:५४ मा प्रकाशित