काठमाडौैं । नेपाल एसबिआई बैंक लिमिटेडले असार २२ गतेदेखि निष्काशन तथा बिक्री खुला गरेको वार्षिक १०.२५ प्रतिशत ब्याजदर पाइने ऋणपत्रमा आवेदन दिन म्याद थप भएको छ।
असार २६ गते निष्काशन बन्द हुने भनिएको ‘नेपाल एसबिआई बैंक ऋणपत्र २०८३’ मा अब असार २७ गतेसम्म आवेदन दिन सकिने भएको छ। ।
असार २६ गते बकर इदका सार्वजनिक बिदा परेका कारण निष्काशन अवधि एक दिनका लागि थप गरिएको बैंकले जनाएको छ।
बैंकले प्रतिकित्ता १ हजार रुपैयाँ अंकित मूल्यका ३ अर्ब रुपैयाँ बराबरको रुपैयाँ बराबरको ३० लाख कित्ता ऋणपत्र निष्काशन गर्नेछ । सोमध्ये १ अर्ब २० करोड रुपैयाँ बराबरको १२ लाख कित्ता सर्वसाधारणलाई बिक्री गरिनेछ भने बाँकी १ अर्ब ८० करोड रुपैयाँ बराबरको १८ लाख कित्ता व्यक्तिगत तवरबाट बिक्री हुनेछ ।
बैंकको उक्त ऋणपत्र खरिदका लागि छिटोमा असार २६ गतेसम्म र ढिलोमा साउन ४ गतेसम्म आवेदन दिन सकिनेछ ।
उक्त ऋणपत्रमा न्यूनतम २५ कित्तादेखि अधिकतम १२ लाख कित्ताका लागि आवेदन दिन सकिने बैंकले जनाएको छ ।
बैंकको ऋणपत्र निष्काशन तथा बिक्री प्रबन्धकमा सानिमा क्यापिटल लिमिटेड रहेको छ ।
वि.सं.२०७९ असार २६ आइतवार ११:०५ मा प्रकाशित
