काठमाडौं । नेपालका लागि होण्डा मोटरसाइकल तथा स्कुटरका आधिकारिक बिक्रेता तथा वितरक स्याकार ट्रेडिङ कम्पनी प्रा.लिलाई टाटाग्रिन ब्याट्रीको आधिकारिक ओइएम वितरकको रुपमा नियुक्त गरिएको छ ।
होण्डा मोटरसाइकल तथा स्कुटर र होण्डा मोटर्सको निम्ती चाहिने टाटा ग्रिन ब्याट्रीज टाटा अटोकम्प जी ब्याट्रीज प्रा.लि बाट उत्पादन गर्छ जो भारतको प्रमुख अटोमोटिभ र टु व्हील ब्याट्री उत्पादक मध्ये एकमा एकमा पर्छ ।
उक्त ब्याट्रीको बिहीवार कम्पनीको हेड अफिस ज्योति भवनमा एक कार्यक्रमका बिच सुरुवात गरिएको हो ।
सोही अवसरमा बोल्दै टाटाग्रिन ब्याट्रीका सिइओ रवि गुप्ताले भन्नुभयो: टाटा ग्रिन ब्याट्री टु व्हीलर्स ब्याट्री भारतमा रहेका ठूला उत्पादकहरुमध्य एकमा पर्छ । भारतमा होन्डा सहित टिभिएस, यामाहा, जावा, सुजुकी र पियाजिओ ब्रान्डमा टाटा ग्रिन व्याट्री ओइएम सप्लाई हुँदै आइरहेको छ ।
भारतमा भएको सफलतालाई नेपालमा ख्यातिप्राप्त कम्पनी स्याकार ट्रेडिङ कम्पनीसँग पनि सहकार्य गरी हामी हाम्रो सफलतालाई नेपालमा पनि बिस्तार गर्न चाहन्छौं ।
त्यसैगरी स्याकार ट्रेडिङ कम्पनीका अध्यक्ष सौरभ ज्योति भन्नुहुन्छ: टाटा अटोकम्पसँगको सहकार्यबाट हाम्रो देशभर रहेका १५० डिलरहरुमार्फत हाम्रा ग्राहकहरु समक्ष उक्त कम्पनीबाट उत्पादित टाटा ग्रिन ब्याट्रीज सप्लाई गरी ग्राहक बर्गमा नयाँ सेवा पुर्याउन सकिने प्रति दृढ छौं ।
वि.सं.२०७९ साउन ६ शुक्रवार १३:०८ मा प्रकाशित
