काठमाडौं । सोमबार दुई विकास बैंकको सेयर मूल्यमा उछाल आएको छ । उक्त दिन नारायणी डेभलपमेन्ट र ग्रीन डेभलपमेन्ट बैंकको सेयर मूल्यमा सकरात्मक सर्किट लागेको हो ।
साताको दोस्रो कारोबार दिन नारायणी डेभलपमेन्ट बैंकको सेयर मूल्य १० प्रतिशत अर्थात प्रतिकित्ता ३९ रुपैयाँ ५० पैसाले वृद्धि भएको हो । योसंगै बैंकको सेयर मूल्य ४३४ रुपैयाँ ५० पैसा कायम भएको छ ।
नेपाल स्टक एक्सचेञ्ज (नेप्से) का अनुसार आज बैंकको ५५ लाख ८ हजार रुपैयाँ बराबरको १३ हजार २७ कित्ता सेयर खरिदबिक्री भएको छ ।
यस्तै, उक्त दिन ग्रीन डेभलपमेन्ट बैंकको सेयर मूल्यमा पनि सकरात्मक सर्किट लागेको छ । बैंकको सेयर मूल्य पनि १० प्रतिशत अर्थात प्रतिकित्ता २४ रुपैयाँ ६० पैसाले बढेको हो । योसंगै बैंकको सेयर मूल्य २७० रुपैयाँ ६० पैसा कायम भएको छ ।
आज बैंकको ७४ लाख २ हजार रुपैयाँ बराबरको २८ हजार २६३ कित्ता सेयर किनबेच भएको नेप्सेले जनाएको छ ।
वि.सं.२०७९ साउन ९ सोमवार १८:१५ मा प्रकाशित