काठमाडौं । स्ट्याण्डर्ड चार्टर्ड बैंकले गत आवमा सवार २ अर्ब बढी नाफा कमाएको छ । बैंकले गत आवको चौंथो त्रैमासमा २ अर्ब २६ करोड ९८ लाख ५५ हजार रुपैयाँ नाफा कमाएको हो ।
बुधवार बैंकले सार्वजनिक गरेको गत आवको चौंथो त्रैमासिक वित्तीय विवरणले यस्तो देखाएको हो । बैंकको यो नाफा अघिल्लो आवको असार मसान्तसम्मको तुलनामा भने ६२.२७ प्रतिशतले बढी हो । अघिल्लो आवको सोही अवधिमा बैंकले १ अर्ब ३९ करोड ८८ हजार ३५ हजार रुपैयाँ नाफा कमाएको थियो ।
उक्त अवधिमा बैंकको खुद ब्याज आम्दानी पनि ४४.८६ प्रतिशतले वृद्धि भई ३ अर्ब ७५ करोडठ ७३ लाख ८० हजार रुपैयाँ पुगेको छ । बैैंकले अघिल्लो आवमा भने २ अर्ब ५९ करोड ३७ लाख ९४ हजार रुपैयाँ खुद ब्याज आम्दानी गरेको थियो ।
यस्तै, उक्त अवधिमा बैंकको संचालन मुनाफा पनि ६१.५४ प्रतिशतले वृद्धि भई ३ अर्ब २५ करोड ११ लाख ३८ हजार रुपैयाँ पुगेको छ । बैंकको वितरण योग्य मुनाफा १ अर्ब ५९ करोड ३६ लाख ४० हजार रुपैयाँ कायम भएको छ ।
बैंकको चुक्ता पुँजी ९ अर्ब ४२ करोड ९४ लाख ५४ हजार रुपैयाँ रहेको छ । बैंकले जगेडा तथा कोषमा भने ८ अर्ब ६७ करोड ४९ लाख ४१ हजार रुपैयाँ राखेको छ ।
उक्त अवधिमा बैंकले खराब कर्जा पनि ०.३७ प्रतिशतले घटाएर ०.५९ झारको छ । बैंकको प्रतिसेयर आम्दानी ७ रुपैयाँ ७५ पैसाले वृद्धि भई २४ रुपैयाँ ७ पैसा पुगेको छ । बैंकको प्रतिसेयर नेटवर्थ १९२ रुपैयाँ रहेको छ ।
वि.सं.२०७९ साउन ११ बुधवार १३:१९ मा प्रकाशित