काठमाडौं । दुई दिनपछि सेयर बजारमा रौनकता फर्किएको छ । पछिल्लो दुई लगातार घटेको सेयर बजार बुधवार भने दोहोरो अंकले वृद्धि भएको हो ।
साताको चौंथो कारोबार दिन बजार २३.८३ अंकले वृद्धि भएको छ । आज बजार परिसुचक २१११.९९ अंकको बिन्दुमा पुगेर बन्द भएको हो ।
आज ब्यापार इन्डेक्स १२.०४ अंकले घटेको छ भने यी बाहेका सबै समूहहरु हरियाली बनेका छन् । अघिल्लो दिनको तुलनामा कारोबार रकममा भने गिरावट आएको छ । आज ३ अर्ब १६ करोड १४ लाख ५५ हजार रुपैयाँको सेयर खरिदबिक्री भएको हो ।
आज पनि सबैभन्दा बढी शिवम सिमेन्टको सेयर कारोबार भएको छ । आज कम्पनीको १७ करोड ९४ लाख ११ हजार रुपैयाँ बराबरको सेयर किनबेच भएको हो । कम्पनीको २ लाख २२ हजार २८० कित्ता सेयर खरिदबिक्री भएको छ ।
यस्तै, कारोबार रकमकै आधारमा दोस्रो स्थाना अरुण काबेली पावर रहेको छ । आज कम्पनीको १२ करोड ३५ लाख ४३ हजार रुपैयाँ बराबरको सेयर खरिदबिक्री भएको हो । कम्पनीको आज २ लाख ४६ हजार ८१५ कित्ता सेयर किनबेच भएको छ ।
वि.सं.२०७९ साउन ११ बुधवार १५:१३ मा प्रकाशित
