काठमाडौं । सूर्योदय वोमी लघुवित्त वित्तीय संस्थाले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
विवरण अनुसार गत आवमा कम्पनीले १३ करोड ९६ लाख ३७ हजार रुपैयाँ नाफा कमाएको छ । जुन अघिल्लो आवको तुलनामा भने १३.०२ प्रतिशतले कमी हो । अघिल्लो आवको चौंथो त्रैमासमा कम्पनीले १६ करोड ५ लाख ३९ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी भने ४५.६७ प्रतिशतले वृद्धि भई ४६ करोड ७६ लाख ७ हजार रुपैयाँ पुगेको छ ।
यस्तै, कम्पनीको संचालन मुनाफा भने १६.०६ प्रतिशतले घटेर १८ करोड ७९ लाख ८७ हजार रुपैयाँ कायम भएको छ । उक्त अवधिमा कम्पनीको खराब कर्जा पनि १.३८ प्रतिशतले वृद्धि भई ३.४५ प्रतिशत पुगेको छ ।
कम्पनीको चुक्ता पुँजी ७९ करोड १९ लाख ८४ हजार रुपैयाँ पुगेको छ । कम्पनीले जगेडा तथा कोषमा भने ५५ करोड ८७ लाख ७३ हजार रुपैयाँ राखेको छ ।
कम्पनीको प्रतिसेयर आम्दानीमा पनि गिरावट देखिएको छ । गत आवमा कम्पनीको यो आम्दानी २१ रुपैयाँ ३४ पैसाले घटेर १७ रुपैयाँ ६३ पैसा कायम भएको छ । कम्पनीको प्रतिसेयर नेटवर्थ भने १७० रुपैयाँ ५५ पैसा रहेको छ ।
वि.सं.२०७९ साउन १६ सोमवार १३:२१ मा प्रकाशित
