काठमाडौं । सिद्धार्थ बैंकले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
विवरण अनुसार बैंकले गत आवमा ३ अर्ब २१ करोड ९७ लाख ४१ हजार रुपैयाँ नाफा कमाएको छ । बैंकको यो नाफा अघिल्लो आवको तुलनामा भने १२.७८ प्रतिशतले मात्र बढी हो ।
अघिल्लो आवको असार मसान्तसम्ममा बैंकले २ अर्ब ८५ करोड ४८ लाख २८ हजार रुपैयाँ नाफा कमाएको थियो ।
गत आवको असार मसान्तसम्ममा बैंकको खुद ब्याज आम्दानी पनि २७.७३ प्रतिशतले बढेर ७ अर्ब ३ कराृेड ८१ लाख २३ हजार रुपैयाँ पुगको छ ।
उक्त अवधिमा बैंकको संचालन मुनाफा पनि १३.१६ प्रतिशतले वृद्धि भई ४ अर्ब ७१ लाख ५० लाख ४२ हजार रुपैयाँ कायम भएको छ । बैंकको वितरण योग्य मुनाफा भने २ अर्ब १० करोड ६८ लाख १० हजार रुपैयाँ रहेको छ ।
बैंकको चुक्ता पुँजी १२ अर्ब ५२ करोड ४४ लाख २६ हजार रुपैयाँ रहेको छ । बैंकले जगेडा तथा कोषमा भने ९ अर्ब ३९ करोड १० लाख ४६ हजार रुपैयाँ राखेको छ ।
गत आवमा बैंकको प्रतिसेयर आम्दानी पनि झिनो गिरावट आई २५ रुपैयाँ ७१ पैसा र प्रतिसेयर नेटवर्थ भने १७४ रुपैयाँ ९८ पैसा कायम भएको छ ।
वि.सं.२०७९ साउन १८ बुधवार १२:२३ मा प्रकाशित
