काठमाडौं । नेपाल बैंक लिमिटेडले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेको छ ।
गत आवमा बैंकले ३ अर्ब २६ करोड ६० लाख ८५ हजार रुपैयाँ नाफा कमाएको छ । जुन अघिल्लो आवमो सोही अवधिको तुलनामा भने १०.२९ प्रतिशतले बढी हो । अघिल्लो आवमा बैंकले २ अर्ब ९६ करोड १२ लाख ३० हजार रुपैयाँ नाफा कमाएको थियो ।
गत आवमा बैंकको खुद ब्याज आम्दानी ७.२३ प्रतिशतले वृद्धि भई ६ अर्ब ८८ करोड ४७ लाख ६१ हजार रुपैयाँ पुगेको छ ।
बैंकको संचालनमा मुनाफा भने ५.४४ प्रतिशतले घटेर ४ अर्ब ११ करोड १० लाख ११ हजार रुपैयाँ कायम भएको छ । गत आवमा बैंकको वितरण योग्य मुनाफा ५५ प्रतिशतले घटेर १ अर्ब ५४ करोड ६६ लाख ८४ हजार रुपैयाँ कायम भएको छ ।
बैंकको चुक्ता पुँजी १४ अर्ब ४० करोड ५९ लाख ४ हजार रुपैयाँ रहेको छ । बैंकले जगेडा तथा कोषमा भने २१ अर्ब ३८ करोड ५ लाख ५५ हजार रुपैयाँ राखेको छ । बैंकको खराब कर्जा भने ०.१५ प्रतिशतले घटेर १.९ प्रतिशत कायम भएको छ ।
बैंकको प्रतिसेयर आम्दानी पनि झिनो घटेर २२ रुपैयाँ ६७ पैसा र प्रतिसेयर नेवटर्थ २४८ रुपैयाँ ४२ पैसा रहेको छ ।
वि.सं.२०७९ साउन २२ आइतवार ११:४१ मा प्रकाशित