काठमाडौं । साताको पहिलो कारोबार दिन सेयर बजार दोहोरो अंकले वृद्धि भएको छ । आज बजार १०.२७ अंकले वृद्धि भएको हो ।
उक्त दिन बजार परिसुचक २१२३.८२ अंकको बिन्दुमा पुगेर बन्द भएको छ । आज जीवन बीमा समूह ४.५५ अंकले घटेको छ भने यी बाहेका सबै समूहहरु हरियाली बनेका छन् ।
उक्त दिन कारोबार रकम भने खुम्चिएको छ । आज २ अर्ब ६७ करोड ३३ लाख ३८ हजार रुपैयाँ बराबरको ६१ लाख ६ हजार ५२१ कित्ता सेयर खरिदबिक्री भएको हो ।
आज शिवम सिमेन्ट र नबिल बैंकमा लगानीकर्ताको आकर्षण देखिएको छ । उक्त दिन शिवम सिमेन्टको १३ करोड ८९ लाख ८२ हजार रुपैयाँ बराबरको सेयर कारोबार भएको छ ।
कम्पनीको आज १ लाख ७५ हजार २७६ कित्ता सेयर खरिदबिक्री भएको हो । कम्पनीको सेयर मूल्य ७८५ रुपैयाँ कायम भएको छ ।
यस्तै, कारोबार रकमको आधारमा दोस्रो स्थानमा रहेको नबिल बैंकको १२ करोड ७३ लाख ४१ हजार रुपैयाँ बराबरको सेयर खरिदबिक्री भएको छ ।
आज बैंकको १ लाख ५६ हजार ३६३ कित्ता सेयर किनबेच भएको नेप्सेले जनाएको छ । आज बैंकको सेयर मूल्य भने ८१७ रुपैयाँ कायम भएको छ ।
वि.सं.२०७९ साउन २२ आइतवार १५:४३ मा प्रकाशित
