काठमाडौं । नेशनल हाइड्रोपावर कम्पनीले विशेष साधारण सभाका लागि मिति तय गरेको छ । कम्पनीले आउँदो भदौ १० गते सभा बोलाएको हो ।
कम्पनीको साउन २३ गते बसेको सञ्चालक समितिको बैठकले सभाका लागि मिति तय गरेको हो । सभा बालुवाटार डेलिस ओपोरो रेष्ट्रो बिहान ११ बजे बाट सुरु हुनेछ ।
सभाले बोनस सेयर र सुनकोशी हाइड्रोपावरलाई प्राप्ती पश्चात कायम हुने चुक्ता पूँजीको ५० प्रतिशत हकप्रद जारी गर्ने प्रस्ताव पारित हुनेछ ।
सोही सभाले हकप्रद र सुनकोशी हाइड्रोपावरलाई प्राप्ती पश्चात कम्पनीको पूँजी वृद्धि हुने हुनाले प्रबन्धपत्र संसोधनको प्रस्ताव समेत सभाले पारित गर्ने छ ।
कम्पनीले विशेष साधारण सभा प्रयोजनका लागि भाद्र २ गते बुकक्लोज गर्ने भएको छ ।
वि.सं.२०७९ साउन २४ मंगलवार ११:२९ मा प्रकाशित