काठमाडौं । डिप्रोक्स लघुवित्त वित्तीय संस्थाले ५७ करोड बढी नाफा कमाएको छ ।
कम्पनीले प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा कम्पनीले ५७ करोड ४० लाख २२ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा भने १२.११ प्रतिशतले कमी हो । अघिल्लो आवमा कम्पनीले ६५ करोड ३१ लाख ८७ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी पनि सामान्य वृद्धि भएको छ । गत आवमा कम्पनीको खुद ब्याज आम्दानी ३.४५ प्रतिशतले वृद्धि भई १ अर्ब ३८ करोड ५३ लाख १८ हजार रुपैयाँ पुगेको छ ।
गत आवमा कम्पनीको संचालन मुनाफा ८१ करोड ९९ लाख ३८ हजार रुपैयाँ रहेको छ । उक्त अवधिमा कम्पनीको वितरण योग्य नाफा ४१ करोड ७२ लाख ५८ हजार रुपैयाँ रहेको छ ।
कम्पनीको चुक्ता पुँजी २ अर्ब १५ करोड ६२ लाख ४८ हजार रुपैयाँ रहेको छ । कम्पनीले जगेडा तथा कोषमा भने ९२ करोड ६१ लाख ७७ हजार रुपैयाँ राखेको छ ।
उक्त अवधिमा कम्पनीको खराब कर्जा पनि झिनो वृद्धि भई १.०३ प्रतिशत पुगेको छ । अघिल्लो आवको सोही अवधिमा कम्पनीको खराब कर्जा ०.९२ प्रतिशत रहेको थियो ।
कम्पनीको प्रतिसेयर आम्दानी ४१ रुपैयाँ ३७ पैसा र प्रतिसेयर नेटवर्थ २२२ रुपैयाँ ६६ पैसा रहेको छ ।
वि.सं.२०७९ साउन २५ बुधवार १२:११ मा प्रकाशित
