काठमाडौं । विभिन्न कोड प्रयोग गरेर अनाधिकृत रुपमा वेवसाइटबाट डाटा तान्नेलाई नेपाल स्टक एक्सचेञ्ज (नेप्से) ले कारबाही गर्ने भएको छ ।
एक सूचना जारी गर्दै नेप्सेको वेवसाइटबाट कारोबार सम्वन्धि विवरण विभिन्न कोड प्रयोग गरि अनधिकृत रुपमा ठुलो परिमाणमा डाटा तान्नेलाई कानुनी कारबाही गर्ने तयार भएको जनाएको छ ।
विभिन्न कोड प्रयोग गरि डाटा तान्ने अनधिकृत रुपमा वेवसाइट पहुँच स्थापित गरी सेवा अवरुद्ध गर्ने प्रयासलाई रोकथाम गर्न विभिन्न प्रयास भईरहेको नेप्सेले जनाएको छ ।
अगामी दिनमा पनि त्यस्ता कार्य जारी राखेकोमा नेप्से कानुनी कारबाहीको प्रक्रियामा जान बाध्य हुने सूचनामा उल्लेख छ ।
हाल नेप्सेको आधिकारिक रुपमा एपिआई मार्फत धितोपत्र कारोबार रासफास तथा फछ्र्यौट प्रयोजनका लागि आफ्नो सहायक कम्पनी सिडिएस एण्ड क्लियरिङ्गलाई मात्र तथ्याङ उलपब्ध गराउँदै आएको नेप्सेले सूचना मार्फत जनाएको छ ।
वि.सं.२०७९ साउन २५ बुधवार १७:३० मा प्रकाशित
