काठमाडौं । संचालनमा रहेका मध्ये एक दर्जन बढी फाइनान्स कम्पनीहरुले गत आर्थिक वर्ष २०७८/७९ को चौंथो त्रैमासिक वित्तीय विवरण सार्वजनिक गरेका छन् ।
हालसम्म १५ वटा फाइनान्स कम्पनीले गत आवको चौंथो त्रैमासिक वित्तीय विवरण प्रकाशित गरेका हुन् । विवरण अनुसार कम्पनीहरुको नाफा चमक देखिएको छैन ।
गत आवमा ती कम्पनीहरुले १ अर्ब ३३ करोड ७५ लाख ८९ हजार रुपैयाँ नाफा गरेका छन् । जुन अघिल्लो आवको सोही अवधिको तुलनामा २८.२४ प्रतिशतले कमी हो । अघिल्लो आवमा कम्पनीहरुे १ अर्ब ८६ करोड ४० लाख ९ हजार रुपैयाँ नाफा कमाएका थिए ।
गत आवमा अधिकांश फाइनान्स कम्पनीहरुको नाफामा गिरावट देखिएको छ । गत आवको असार मसान्तसम्ममा १० वटा कम्पनीको नाफा घटेको छ भने ५ वटाको भने वृद्धि भएको छ ।
गत आवमा सबैभन्दा बढी नाफा बेष्ट फाइनान्स कम्पनीले वृद्धि गरेको छ । उक्त अवधिमा कम्पनीले १६ करोड ७२ लाख १ हजार रुपैयाँ नाफा गरेको छ । जुन अघिल्लो आवको सोही अवधिको तुलनामा भने कम्पनीको नाफा १०२.९५ प्रतिशतले बढी हो । अघिल्लो आवमा कम्पनीले ८ करोड २३ लाख ८३ हजार रुपैयाँ नाफा कमाएको थियो ।
गत आवमा नाफा वृद्धि गर्ने दोस्रो स्थानमा नेपाल फाइनान्स कम्पनी रहेको छ । उक्त अवधिमा कम्पनीको नाफा ८५.२१४ प्रतिशतले बढेर ४ करोड ८५ लाख ७८ हजार रुपैयाँ पुर्याएको छ । अघिल्लो आवमा भने कम्पनीले २ करोड ६२ लाख २८ हजार रुपैयाँ नाफा कमाएको थियो ।
यस्तै, गत आवमा जानकी फाइनान्सको नाफा पनि ३८.१३ प्रतिशतले वृद्धि भई ४ करोड ३० लाख ८९ हजार रुपैयाँ पुगेको छ ।
गत आवमा प्रोग्रेसिभ फाइनान्सको नाफा २१.८६ प्रतिशत र गुडवील फाइनान्सको नाफा २.९२ प्रतिशतले वृद्धि भएको हो । यी दुवै कम्पनीले गत आवमा क्रमशः ५ करोड १ लाख ४८ हजार र १८ करोड ८५ लाख ५५ हजार रुपैयाँ नाफा कमाएका हुन् ।
गत आवमा सबैभन्दा बढी नाफा मञ्जुुश्री फाइनान्सको घटेको छ । उक्त अवधिमा कम्पनीको नाफा ७८.१९ प्रतिशतले घटेर १० करोड ८४ लाख ३७ हजार रुपैयाँ कायम भएको छ । अघिल्लो आवको सोही अवधिमा कम्पनीको नाफा ४९ करोड ७२ लाख ३२ हजार रुपैयाँ रहेको थियो ।
गत आवमा मल्टीपर्पस फाइनान्सको नाफा ७१.११ प्रतिशत, समृद्धि फाइनान्सको ६९.२ प्रतिशत, रिलायन्स फाइनान्सको ५१.३७ प्रतिशत, सेन्ट्रल फाइनान्सको ४१.०३ प्रतिशतले नाफामा गिरावट आएको छ ।
त्यसैगरि पोखरा फाइनान्सको २०.२६ प्रतिशत, आईसीएफसीको २०.२१ प्रतिशत, श्रीइन्भेष्टमेन्टको १९.६६, गुहेश्वरी मर्चेन्ट बैंकिङ्ग एण्ड फाइनान्सको १२.३१ र गोर्खाज फाइनान्सको ११.५९ प्रतिशतले नाफा घटेको हो ।
कुनको नाफा कति ?
वि.सं.२०७९ साउन २९ आइतवार १६:०७ मा प्रकाशित
