काठमाडौं । ज्योति विकास बैंकले ७० करोड बढी नाफा कमाएको छ । बैंकले प्रकाशित गरेको गत आर्थिक वर्ष २०७८/७९ को चौंथो त्रैमासिक वित्तीय विवरणले यस्तो देखाएको हो ।
गत आवमा बैंकले ७० करोड १५ लाख ३ हजार रुपैयाँ नाफा कमाएको छ । जुन अघिल्लो आवको सोही अवधिको तुलनामा ५.४८ प्रतिशतले बढी हो । अघिल्लो आवमा बैंकले ६६ करोड ३८ लाख ६९ हजार रुपैयाँ नाफा कमाएको थियो ।
गत आवमा बैंकको खुद ब्याज आम्दानी पनि २३.२२ प्रतिशतले वृद्धि भई १ अर्ब ९५ करोड २ लाख ६६ हजार रुपैयाँ रहेको छ ।
उक्त अवधिमा बैंकको संचालन नाफा १ अर्ब २० लाख ४३ हजार रुपैयाँ रहेको छ । गत आवमा बैंकको वितरण योग्य नाफा २५ करोड १० लाख १४ हजार रुपैयाँ रहेको छ । बैंकको लाभांश क्षमता भने ८.२७ प्रतिशत देखिएको छ ।
बैंकको चुक्ता पुँजी ४ अर्ब २६ करोड ७७ लाख ५३ हजार रुपैयाँ रहेको छ । बैंकले जगेडा तथा कोषमा भने १ अर्ब ४ करोड ३९ लाख ४१ हजार रुपैयाँ राखेको छ ।
बैंकको प्रतिसेयर आम्दानी १६ रुपैयाँ ४४ पैसा र प्रतिसेयर नेटवर्थ १३२ रुपैयाँ ७३ पैसा रहेको छ ।
यस्तो छ बैंकको पाँच वर्षे लाभांश इतिहास
बैंकले आव २०७३/७४ मा १० प्रतिशत लाभांश वितरण गरेको छ । बैंक उक्त आवमा आफ्ना सेयरधनीहरुलाई १० प्रतिशत बोनस सेयर मात्र वितरण गरेको छ ।
यस्तै, आव २०७४/७५ मा बैंकले ८.४ प्रतिशत बोनस, आव २०७५/७६ १२.७५ र आव २०७६/७७ १० प्रतिशत बोनस सेयर मात्र दिएको छ । यी तीनै आवमा बैंकले नगद लाभांश लगानीकर्तालाई लाभांश दिएको छैन ।
त्यसैगरि आव २०७७/७८ भने भने बैंकले १५.५ प्रतिशत लाभांश दिएको छ । उक्त आवमा बैंकले ११ प्रतिशत बोनस सेयर र ४.५ प्रतिशत नगद लाभांश वितरण गरेको हो ।
वि.सं.२०७९ साउन ३० सोमवार १७:५९ मा प्रकाशित