काठमाडौं । सानिमा माई हाइड्रोपावर लिमिटेडले लाभांश प्रस्ताव गरेको छ। कम्पनीको सञ्चालक समितिको भदौ २० गते बसेको बैठकले लाभांश वितरण गर्ने प्रस्ताव गरेको हो।
कम्पनीले गत आर्थिक वर्ष २०७८/७९ को मुनाफाबाट सेयरधनीलाई हाल कायम चुक्ता पूँजीको ५.२६३२ प्रतिशतले हुन आउने १६ करोड २५ लाख ९२ हजार १५८ रुपैयाँ (कर सहित) नगद लाभांश वितरण गर्ने निर्णय गरेको छ।
उक्त लाभांश आगामी वार्षिक साधारण सभाले पारित गरेपछि सेयरधनीले पाउनेछन् । लाभांश पारित गर्न कम्पनीले कार्तिक २ गते ११ औं वार्षिक साधारण सभा बोलाएको छ ।
साधारण सभा तथा लाभांश प्रयोजनको लागि कम्पनीले असोज १२ गते बुक क्लोज गर्ने जनाएको छ । त्यस अनुसार असोज ११ गतेसम्म कायम सेयरधनीले मात्रै कम्पनीले वितरण गर्ने लाभांश पाउनेछन् ।
वि.सं.२०७९ भदौ २१ मंगलवार ११:०६ मा प्रकाशित
