काठमाडौं । श्रीजनशील लघुवित्तको आइपीओ आज सोमबार बाँडफाँड भएको छ । यसमा गोलाप्रथामार्फत कुल ३६ हजार ८५९ जना सर्वसाधारण लगानीकर्ताहरुले १० कित्ताका दरले सेयर पाएका छन् ।
यो आइपीओमा कुल १८ लाख ३८ हजार ७५१ जनाले आवेदन दिएकामा १ हजार ३१५ जनाको आवेदन रद्द भएको बिक्री प्रबन्धक सनराइज क्यापिटलले जानकारी गराएको छ ।
कम्पनीले प्रतिसेयर १०० रुपैयाँ अंकित मूल्यका दरले ३ करोड ९३ लाख ७५ हजार रुपैयाँ बराबरको ३ लाख ९३ हजार ७५०कित्ता आईपीओ जारी गरेको हो ।
कम्पनीले कुल ३ लाख ९३ हजार ७५०कित्ता मध्ये ५ हजार ४७० कित्ता कर्मचारीहरुका लागि, १९ हजार ६९० कित्ता सामूहिक लगानी कोषलाई बाँकी ३ लाख ६८ हजार ५९० कित्ता सर्वसाधारणले आवेदन दिएका हुन् ।
श्रीजनशील लघुवित्तको आइपीओ रिजल्ट चारवटा साइटबाट हेर्न सकिनेछ ।
आईपीको नतिजा हेर्नका लागि :
कम्पनीको वेबसाइट : https://www.shrijanshil.org/np
बिक्री प्रबन्धकको वेबसाइट : https://www.sunrisecapital.com.np/
मेरो शेयरको वेबसाइट : https://meroshare.cdsc.com.np/#/login
सिडिएसको वेबसाइट : https://iporesult.cdsc.com.np
वि.सं.२०७९ भदौ २७ सोमवार ११:४० मा प्रकाशित
