काठमाडौं। आज सुनको भाउ घटेको छ । बुधबार नेपाली बजारमा सुनको भाउ प्रतितोला ५ सय रुपैंयाले घटेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला ९१ हजार ३ सय रुपैयाँमा कारोबार भइरहेको छ ।
आजको लागि तेजावी सुनको मूल्य प्रतितोला ९० हजार ८०० रुपैयाँ तोकेको छ ।
त्यसैगरी, आज चाँदी तोलामा १० रुपैयाँले घटेर प्रतितोला ११ सय ७० रुपैयाँमा कारोबार भइरहेको महासंघले जनाएको छ ।
वि.सं.२०७९ असोज ५ बुधवार १०:४८ मा प्रकाशित