काठमाडौं । आरबीबी मर्चेन्ट बैंकिङ लिमिटेडले वार्षिक साधारण सभा बोलाएको छ । कम्पनीको असोज ६ गते बसेको सञ्चालक समितिको बैठकले असोज ३१ गते साधारण सभा बस्ने निर्णय गरेको हो ।
सभा राष्ट्रिय वाणिज्य बैंकको केन्द्रीय कार्यालय सिंहदरबारप्लाजा, काठमाडौंमा अपरान्ह ४ बजेबाट सुरु हुनेछ । सभामा कम्पनीले ७.५ प्रतिशत नगद लाभांश दिने प्रस्ताव पेश गर्नेछ ।
सभामा आर्थिक वर्ष २०७८/७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ । त्यस्तै, आर्थिक वर्ष २०७९/८० का लागि लेखापरीक्षक नियुक्ति गर्ने अर्को एजेन्डा पनि छ ।
वि.सं.२०७९ असोज १० सोमवार ११:२७ मा प्रकाशित
