काठमाडौं । आइपीओ निष्कासनको अनुमति माग्दै नेपाल धितोपत्र बोर्डमा तीन कम्पनी थपिएका छन्। थपिएका कम्पनीमा मोदी इनर्जी लिमिटेड, सोनापुर मिनिरल् एण्ड आयल लिमिटेड र मेनछ्याम हाइड्रोपावर लिमिटेड रहेका छन्।
सोनापुर मिनिरल्स एण्ड आयल लिमिटेडले १ करोड २३ लाख कित्ता आईपीओ निष्कासन गर्नका लागि असोज ४ गते सेबोनमा निवेदन दिएको हो । कम्पनीको विक्री प्रबन्धक एनआईबिएल एस क्यापिटल लिमिटेड रहेको छ ।
त्यसैगरी मोदी इनर्जी लिमिटेडले ७२ लाख ५० हजार कित्ता आईपीओ निष्कासन गर्नका लागि भदौ ३१ गते बोर्डमा निवेदन दिएको हो । कम्पनीको विक्री प्रबन्धक सनराइज क्यापिटल लिमिटेड रहेको छ । त्यसैगरी मेनछ्याम हाइड्रोपावर पावर लिमिटेडले १६ लाख २७ हजार ७५० कित्ता आईपीओ निष्कासन गर्नका लागि बोर्डमा निवेदन दिएको हो । कम्पनीको विक्री प्रबन्धक एनआईसी एशिया क्यापिटल लिमिटेड रहेको छ ।
वि.सं.२०७९ असोज ११ मंगलवार १२:३५ मा प्रकाशित