काठमाडौं । युनिलिभर नेपाल लिमिटेडले प्रतिसेयर ६५० रुपैयाँका दरले नगद लाभांश सम्बन्धित सेयरधनीको खातामा जम्मा गरिदिने भएको छ ।
हितग्राही खातामा उल्लेख गरिएको बैंक खातामा लाभांश भुक्तानी हुने कम्पनीको भनाई छ । कम्पनीले आर्थिक वर्ष २०७७/७८ को नाफाबाट वितरण गरेको लाभांश लगानीकर्ताको खातामा जम्मा गरिदिन लागेको हो । तर लाभांश खातामा कहिलेदेखि पठाउने भनेर कम्पनीले खुलाएको छैन ।
डिम्याट नगरेकालाई तत्काल सेयर डिम्याट गर्न आग्रह गरिएको छ । लगानीकर्ताले आफूले खाता खोलेको कुनै पनि बैंक तथा वित्तीय संस्था वा अन्य कुनै पनि निक्षेप सदस्यमार्फत डिम्याट खाता खोल्न सक्नेछन् ।
त्यसपछि मात्र सम्बन्धित सेयरधनीको डिम्याट खातामा नगद लाभांश जम्मा हुनेछ । हालसम्म पनि आफ्नो सेयर भौतिक रुपमा राखेका सेयरधनीले भने डिम्याट गरी बैंक खाता अद्यावधिक गराएपछि मात्र लाभांश पाउने छन् ।
वि.सं.२०७९ असोज २५ मंगलवार ११:२० मा प्रकाशित
