काठमाडौं । बिओके क्यापिटल मार्केटको साधारण सभा आज कार्तिक ४ गते सम्पन्न भएको छ ।
कम्पनीका अध्यक्ष महेश मिश्रको अध्यक्षतामा बसेको सातौँ वार्षिक साधारणसभाले आ .व .२०७८/७९ को वित्तिय विवरणहरु परित गर्नुका साथै आ .व .२०७८/७९ मा सचिंत मुनाफाबाट ५.७९ प्रतिशत लाभांश (कर समेत) वितरण गर्ने निर्णय अनुमोदन गर्नुका सथै आगामी आ.ब. २०७९/८० को बाह्य लेखापरिक्षक नियुक्त गर्ने निर्णय भयो ।
बैंक अफ काठमाण्डू लिमिटेडको सहायक कम्पनी बिओके. क्यापिटल मार्केट , कम्पनी ऐन, २०६३ बमोजिम विधिवत दर्ता भई विगत सात वर्षदेखि उत्कृष्ट सेवा प्रदान गर्दै आएको छ ।
कम्पनीले समिक्षा अवधिमा ६ वटा कम्पनीहरुको प्राथमिक शेयर तथा हकप्रद शेयर निष्काशन तथा बिक्री प्रबन्ध सम्बन्धी कार्य गर्नको लागि सम्झौता पत्रमा हस्ताक्षर गरेको छ, भने जम्मा ११ वटा कम्पनीको शेयर रजिष्ट्रार सम्बन्धी कार्य गरिरहेको छ ।
कम्पनीले हालसम्म जम्मा ८५,६८९ हितग्राही खाता खोलिसकेको छ । लगानी व्यवस्थापन सेवा अन्र्तगत ९८ जना को १७ करोड बराबरको लगानी व्यवस्थापन गरिएको छ ।
उक्त सभाले प्रस्तावित ५.७९ प्रतिशत नगद लाभांश पारित गरेको छ ।
वि.सं.२०७९ कात्तिक ४ शुक्रवार १७:०५ मा प्रकाशित