काठमाडौं । गत आर्थिक वर्ष २०७८/८९ को मुनाफाबाट हालसम्म तेह्र वटा कम्पनीहरुले लाभांश घोषणा गरेका छन् ।
हालसम्म १३ वटा कम्पनी (म्युचुअल फण्ड बाहेक) ले आफ्ना सेयरधनीलाई लाभांश घोषणा गरेका हुन् ।
प्राइम लाइफ इन्स्योरेन्स
प्राइम लाइफ इन्स्योरेन्सले सेयरधनीहरुलाई लाभांश घोषणा गरेको छ । कम्पनीको कार्तिक २ गते बुधबार बसेको सञ्चालक समितिको बैठकले १३ प्रतिशत बोनस सेयर दिने घोषणा गरेको हो ।
यस्तै, कम्पनीले उक्त बोनस सेयरमा लाग्ने कर प्रयोजनका लागि १ करोड ९० लाख १८ हजार रुपैयाँ नगद लाभांश पनि दिने घोषणा गरेको छ ।
सोल्टी होटल
सोल्टी होटलले २६.३१५ प्रतिशत लाभांश दिने घोषणा गरेको छ । सोल्टीले ५ प्रतिशत बोनस सेयर र २१.३१५ प्रतिशत नगद गरी कुल २६.३१५ प्रतिशत लाभांश प्रस्ताव गर्न लागेको हो । होटलले लाभांश प्रस्तावसहित पुस २८ गते वार्षिक साधारण सभा पनि बोलाएको छ ।
बैंक अफ काठमाण्डू
बैंक अफ काठमाण्डूको असोज ३० गते बसेको संचालक समितिको बैठकले आव २०७८/७९ को मुनाफाबाट चुक्तापुँजीको १४.९५ प्रतिशत नगद लाभांश र ६ प्रतिशत बोनस शेयर गरी कुल २०.९५ प्रतिशत लाभांश दिने निर्णय गरेको हो ।
उक्त लाभांश राष्ट्र बैंकबाट स्वीकृत भएपश्चात कम्पनीको आगामी वार्षिक साधारण सभाबाट पारित भएपछि सेयरधनीहरुमा वितरण हुनेछ ।
कुमारी बैंक
कुमारी बैंकले लाभांश घोषणा गरेको छ । बैंकले गत वर्षको नाफाबाट १२.५० प्रतिशत नगद लाभांश (कर सहित) वितरण गर्ने निर्णय गरेको हो ।
सिटिजन्स बैंक
सिटिजन्स बैंक इन्टरनेसनल लिमिटेडले सेयरधनीहरुलाई ९ प्रतिशत नगद लाभांश दिने भएको छ ।बैंकले आर्थिक वर्ष २०७८/७९को वितरण योग्य मुनाफाबाट २०७९ असार मसान्तको चुक्ता पुँजी १४ अर्ब २० करोड ९ लाख ७४ हजार ६ रुपैयाँको ९ प्रतिशतले हुने १ अर्ब २७ करोड ८० लाख ८७ हजार ६६१ रुपैयाँ नगद लाभांश दिने प्रस्ताव गरेको छ । बैंकको लाभांश शुक्रबार सम्पन्न साधारण सभाबाट पारित भएको छ ।
नेपाल इन्फ्रास्ट्रक्चर बैंक (निफ्रा)
नेपाल इन्फ्रास्ट्रक्चर बैंक (निफ्रा) ले गत वर्षको नाफाबाट सेयरधनीलाई लाभांश घोषणा गरेको छ ।बैंकको सञ्चालक समितिको बैठकले सेयरधनीहरुलाई कर सहित चुक्ता पूँजीको ४.२१०५ प्रतिशत नगद लाभांश वितरण गर्ने निर्णय गरेको हो।
एनसीसी बैंक
काठमाडौं । नेपाल क्रेडिट एण्ड कमर्स (एनसीसी) बैंक लिमिटेडले आर्थिक वर्ष २०७८/७९ को संचित मुनाफाबाट आफ्ना सेयरधनीहरुलाई लाभांश प्रस्ताव गरेको छ ।
कम्पनीको असोज २९ गते बसेको संचालक समितिको बैठकले आव २०७८/७९ को मुनाफाबाट हाल चुक्तापुँजी ११ अर्ब १३ करोड रुपैयाँबाट ३.३६६३ प्रतिशत बोनस सेयर र ७.६३३७ प्रीतशत नगद लाभांश वितरण गर्ने निर्णय गरेको हो ।
उक्त लाभांश नेपाल राष्ट्र बैंकबाट स्वीकृत भएपश्चात कम्पनीको आगामी वार्षिक साधारण सभाबाट पारित भएपछि सेयरधनीहरुमा वितरण हुनेछ ।
रु रु जलविद्युत परियोजना
रु रु जलद्यिुत परिगोजनाले १० प्रतिशत बोनस र कर प्रयोजनका लागि ०.५२६३ प्रतिशत नगद लाभांश दिने भएको छ ।
अरुण काबेली पावर
अरुण काबेलीले १० प्रतिशत बोनस सेयर र सानिमा माई हाइड्रोपावरले ५.२६३२ नगद लाभांश वितरण गर्ने भएको छ ।
सानिमा माइ हाइड्रोपावर
सानिमा माई हाइड्रोपावरले ५.२६३२ प्रतिशत नगद लाभांश (करसहित) वितरण गर्ने घोषणा गरेको हो ।
नेपाल ल्यूब आयाल
नेपाल ल्यूब आयालले २५ प्रतिशत बोनस र कर प्रयोजनका लागि ५ प्रतिशत नगद गरि कुल ३० प्रतिशत लाभांश दिने भएको छ । जुन लाभांश असोज ३० गते बसेको साधारण सभाले पारित गरिसकेको छ ।
बोटलर्स नेपाल बालाजु र तराई
बोटलर्स नेपाल बालाजुले २० प्रतिशत र बोटलर्स नेपाल तराईले भने ६० प्रतिशत नगद लाभांश दिने भएका छन् ।
वि.सं.२०७९ कात्तिक ५ शनिवार ०७:३० मा प्रकाशित