काठमाडौं । नेपाल गुणस्तर तथा नाप तौल विभागले ह्वासिन सिमेन्टलाई ओपीसी ४३ ग्रेड गुणस्तर प्रमाण चिन्ह दिएको छ । गुणस्तर परिषद्को बैठकले सिमेन्टको ४३ ग्रेड गुणस्तर प्रमाण चिन्ह स्वीकृत गरेको विभागले जनाएको हो । यसअघि सिमेन्टले १३ भदौमा ओपीसी र पीपीसी सिमेन्टमा ५३ ग्रेडको अनुमति पाएको थियो ।
धादिङको ताल्तिमा रहेको उद्योगले दैनिक ३ हजार टन सिमेन्ट उत्पादन गर्छ । कुल १५ अर्ब लगानीमा लगानीमा २०७५ सालमा निर्माण शुरु भएको सिमेन्ट उद्योगले केही समयदेखि नियमित उत्पादन शुरु गरेको छ ।
नेपालमा भित्रिएको विदेशी लगानीका उद्योगहरु मध्ये अन्तर्राष्ट्रिय बजारमा सबै भन्दा प्रभावशाली उपस्थिति रहेको कम्पनीको रुपमा ह्वासिन सिमेन्टलाई लिइन्छ ।
वि.सं.२०७९ कात्तिक ६ आइतवार २०:४१ मा प्रकाशित
