काठमाडौं । बैंकको चर्को ब्याजदर विरुद्ध मोरङका उद्योगी व्यवसायी पनि सडकमा उत्रिएका छन् ।
उनीहरुले ब्याजरदको विरोध स्वरुप कालो कपडा लगाएर सडकमा मौन प्रदर्शन गरेका हुन् ।आन्दोलनमा उत्रिएका उद्योगी व्यवसायीले तत्काल बढेको ब्याजदर फिर्ता गर्न माग गरेका छन् ।
बुधबार मोरङ व्यापार संघ, उद्योग संगठन मोरङ र नेपाल उद्योग परिसघंले निकालेको जुलुसले बजार परिक्रमा गर्दै नेपाल राष्ट्र बैंकसम्म पुगेको थियो ।
बैंकहरुले लिने चर्को ब्याजदर र प्रतिकूल बैंकिङ नीतिले उद्योग, व्यवसाय धरासायी बनेको उनीहरुको भनाइ छ ।
वि.सं.२०७९ कात्तिक २३ बुधवार १७:०१ मा प्रकाशित
