काठमाडौं । स्वाभिमान लघुवित्त वित्तिय संस्था लिमिटेडले चालु आर्थिक बर्षको पहिलो त्रैमासको अपरिष्कृत वित्तिय विवरण प्रकाशित गरेको छ । प्रकाशित वित्तिय विवरण अनुसार पहिलो त्रैमाससम्ममा संस्थाको मुनाफामा गिरावट आएको देखिन्छ ।
चालु आर्थिक वर्षको पहिलो त्रैमाससम्म आइपुग्दा लघुवित्त ६७ लाख ८२ हजार रुपैयाँ नोक्सानमा छ । अघिल्लो वर्षको यसैअवधिमा यसले ७४ लाख ६४ हजार रुपैयाँ खुद नाफा कमाएको थियो । खुद ब्याज आम्दानी र सञ्चालन नाफा घटेसँगै यसको खुद नाफा प्रभावित भएको हो ।
खुद ब्याज आम्दानी ६८.२९ प्रतिशतले घटेर ६७ लाख १३ हजार रुपैयाँमा सीमित भएको छ ।
यता, गत वर्ष ४८ लाख ९६ हजार रुपैयाँ सञ्चालन आम्दानी गरेको यस संस्था यो वर्ष ६७ लाख ८२ हजार रुपैयाँ सञ्चालन नोक्सानमा छ ।
नाफा घटेसँगै प्रतिसेयर आम्दानी ऋणात्मक बनेको छ । असोज मसान्तसम्म आइपुग्दा प्रतिसेयर आम्दानी २२ रुपैयाँ २८ पैसा ऋणात्मक छ । प्रतिसेयर नेटवर्थ २०९ रुपैयाँ २७ पैसा छ ।
संस्थाको खराब कर्जा ०.३८ प्रतिशतबाट बढेर १.२७ प्रतिशत पुगेको छ ।
वि.सं.२०७९ कात्तिक २७ आइतवार ०८:३५ मा प्रकाशित
