काठमाडौं । बैंकिङ फाइनान्स एन्ड इन्सुरेन्स इनष्टिच्युट अफ नेपालले वार्षिक साधारण सभा बोलाएको छ । कम्पनीको मंसिर १७ गते बसेको सञ्चालक समितिको बैठकले सभा बस्ने निर्णय गरेको हो ।
सभा कम्पनीको कार्यालय, नयाँ बानेश्वर काठमाडौंमा दिउँसो ३ बजेबाट सुरु हुनेछ । सभामा कम्पनीले १४.७० प्रतिशत नगद लाभांश (कर सहित) दिने प्रस्ताव पेश गर्नेछ । जसअनुसार कम्पनीले ७२ लाख ७६ हजार ५०० रुपैयाँ नगद लाभांशमा खर्च गर्नेछ ।
सभामा आर्थिक वर्ष २०७८/७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ । त्यस्तै, आर्थिक वर्ष २०७९/८० का लागि लेखापरीक्षक नियुक्ति र पारिश्रमिक निर्धारण गर्ने अर्को एजेन्डा पनि रहेको छ ।
वि.सं.२०७९ मंसिर १८ आइतवार १३:२२ मा प्रकाशित
